Moody's QTJ reıtıngin kóterdi

Reıtıngtiń joǵarylaýy «QTJ» UK» AQ opera­sııa­lyq­ jáne qarjylyq kór­set­­­kishteriniń turaqty jaq­­­sa­rýyn, sondaı-aq kre­dıt­tik­­ qabilettiliginiń neǵurlym jo­ǵa­rylyǵyn kórsetedi.

Agenttiktiń baǵalaýynsha, QTJ tabystyń aıtarlyq­taı ósýin jáne jaqsy ren­­ta­bel­­dilikti kórsetedi. Kiris 2021 jyly – 13%, 2022 jyly – 16% jáne 2023 jyldyń alǵashqy toǵyz aıynda 26% ósti jáne 2024 jyly 15-18% ara­ly­ǵynda ósýi múmkin. Moody's túzetken EBITDA kiristiligi kelesi 12-18 aı ishinde 28-30% deńgeıinde saqtalady.

Sarapshylar QTJ júk aınalymynyń (2022 jyly – 5,1%, 2023 jyldyń alǵashqy toǵyz aıynda – 7,5%) óskenin atap ótti jáne ol 2023-2024 jyldary negizinen tranzıttik jáne eksporttyq operasııalar esebinen jylyna 7,0%-9,0% ósedi dep senim artyp otyr.

Agenttik pikirinshe, Trans­kaspıı halyqaralyq kólik marsh­rýtynyń ósip kele jat­qan róli aıasynda temirjol júk tasymalyna suranys jo­ǵary deńgeıde qalady jáne oǵan ınfraqurylymnyń tar jer­leri ǵana kedergi keltirýi múm­kin desedi.

Reıtıng temirjol tasymalyna degen joǵary suranysty qanaǵattandyrýǵa jáne aktıvter bazasyn jaqsartýǵa baǵyttalǵan kompanııanyń aýqymdy kapıtaldy ınves­tısııalaý baǵdarlamasyn kórsetedi. Agenttik pikirinshe, temirjol ınfraqurylymyn damytýǵa jáne jyljymaly quramdy jańartýǵa arnalǵan kúrdeli shyǵyndar 2022 jyly 33%-ǵa ulǵaısa, 2023 jyly ol úsh eseden astam ósedi jáne 2024-2025 jyldary joǵary deńgeıde qalady.

Agenttik sonymen qatar kom­panııanyń memleket úshin jo­ǵary mańyzdylyǵyn jáne onyń kómirsýtek sektorlary­nan bas tartý arqyly ekono­mı­kany ártaraptandyrý jó­nin­degi kúsh-jigerin atap ótedi.