Qazaqtan shyqqan alǵashqy akademıktiń Jezqazǵan – Ulytaý óńiriniń qazba baılyǵyn zerttep, tarıhyn zerdelegen ǵylymı eńbegi óz aldyna, onyń sol jerdiń halqymen tonnyń ishki baýyndaı aralasyp ketken adamı qarym-qatynasy aıryqsha bolǵany belgili. Qanysh Imantaıuly ómirden ótkende Jezqazǵannan Almatyǵa baratyn halyqtyń kóptigi sonshalyq, olardyń kóbi arnaıy uıymdastyrylǵan eki ushaqqa da syımaı, qalyp qoıǵan kórinedi. Solardyń biri – Nurmanbek Serdalınov degen kisi bolǵan eken. Onyń otaǵasysymen óte jaqyn, dos, baýyryndaı bolyp ketkenin jaqsy biletin Qanekeńniń zaıyby Taısa Alekseevna qazaqtyń yrym-joralǵysy boıynsha namazǵa barǵan kisilerdiń birinen oǵan Qanysh Imantaıulynyń bir kostıýmin, jeıdesin jáne galstýgin berip jiberedi. Kostıým men jeıdeni aǵaıyn-týystar «Qanekeńniń qasıeti juǵysty bolsyn» dep surap áketedi de, Nurekeńniń qolynda galstýk qana qalady.
1983 jyly Nurmanbek aǵanyń qyzy Qarlyǵa Serdalınova galstýkti Jezqazǵan qalasyndaǵy mýzeıge ótkizedi.
Mine, sodan beri 40 jyldan asa ýaqyt ótti. Qanysh aǵa moınyna taqqan ólshemi 58h9 sm bolatyn, aq jolaqtary bar qarakók galstýk Jezqazǵan tarıhı-arheologııalyq mýzeıinde saqtaýly tur.
Jezqazǵan
