Jańa óner oshaǵynyń lentasy qıylyp, sahna shymyldyǵy Almaty qalasynan arnaıy barǵan ASSYLTAS teatrynyń «Arena» qoıylymymen túrildi.
Sý jańa nysannyń sahnasynda elge tanymal Dýlyǵa Aqmolda bastaǵan Almas Shaıahmet, Janargúl Janyman syndy ártister óner kórsetti. Osyndaı úlken ǵımarattyń boı kóterip, halyq ıgiligine paıdalanýǵa berilgeni, sahna tórinde respýblıkalyq deńgeıdegi ataqty ártisterdiń óner kórsetýi aýyl turǵyndaryna zor qýanysh syılady.
Halyqtyń yqylasy retinde Abaı oblysy, Aqsýat aýdany ákimi Ashat Saıdahmetuly men jergilikti kásipkerler Halyq ártisi Dýlyǵa Aqmoldaǵa, «Arena» spektakliniń avtory men rejısseri Baqyt Bedelhan men Elik Nursultanǵa, qoıylymda basty róldi somdaǵan Jandarbek Sadyrbaev pen teatr jetekshisi Raýan Oqastyń astyna at mingizip, qurmet kórsetti.
