Foto: Densaýlyq saqtaý basqarmasy
Oblystyq densaýlyq saqtaý basqarmasy baspasóz qyzmetiniń málimetinshe, ózin órtemek bolǵan er kisi 17 qańtar kúni tańǵy saǵat 04:30-da oblystyq aýrýhananyń jansaqtaý bóliminde jan tapsyrdy.
Osydan eki kún buryn dárigerler naýqastyń jaǵdaıy óte aýyr jáne denesiniń 81 prosentin kúıik shalǵanyn aıtqan edi.
Eske salaıyq, bul oqıǵa 13 qańtarda kúndiz bolǵan. Maqat aýdandyq polısııa bólimine 16:45 shamasynda Dossor aýylynyń B.Aımaǵambetov kóshesinde ornalasqan turǵyn úılerdiń birinde er azamat ózin órtep jibergeni týraly aqparat túsken.
Mundaı qadamǵa ol otbasynda bolǵan daý-janjaldan soń barǵan.
