Foto: Egemen Qazaqstan
Senatordyń aıtýynsha, Qazaqstan BUU-nyń múshesi bolǵandyqtan osyndaı is-qımyldar múshe memlekettiń jaýapkershiligine jatady. Sondaı-aq bul qadam Qazaqstannyń bitimger saıasatyn qoldaıtynyn kórsetedi. Osy sebepti Qazaqstan bitimgerlik mıssııalarǵa qatysady.
«Bizdiń áskerıler patrýlge shyǵady, beıbitshilik pen qaýipsizdikti saqtaý mıssııasyn oryndaıdy. Olar erekshe jaǵdaılarda jaýyngerlik kúsh pen quraldardy qoldanýy múmkin, biz muny joqqa shyǵara almaımyz. Bul rette, sol aýmaqqa Qarýly Kúshterdiń daıyndyqtan ótken qyzmetshileri baǵyttalady. BUU mıssııasy aıasynda baratyn Qazaqstan áskerıleri dalalyq gospıtaldardy ornalastyrady. Osy oraıda túrli kásiptik baǵyttaǵy áskerı dárigerler, ınjenerlik-saperlik bólimsheler qyzmet etedi. Saperler jarylǵysh zattardy taýyp, aýmaqty tazartady», dedi A. Lýkın.
Onyń aıtýynsha, aldaǵy ýaqytta jiberiletin kontıngentti qarjylandyrýdyń tolyq somasy bıyl naýryz aıynda belgili bolady.
