Prezıdent • 19 Qańtar, 2024

FAO dırektory Almatynyń áıgili aportynan dám tatty

260 ret

kórsetildi

1 mın

oqý úshin

Memleket basshysy Qasym-Jomart Toqaev BUU Azyq-túlik jáne aýyl sharýashylyǵy uıymynyń (FAO) bas dırektory Sıýı Dýnıýımen kezdeskeni habarlanǵan edi. Kezdesý barysynda Prezıdent uıym dırektoryna Almatynyń áıgili aportynan dám tatqyzdy, dep habarlaıdy Egemen.kz Aqordanyń baspasóz qyzmetine silteme jasap.

Botakóz BAQBERGEN

FAO dırektory Almatynyń áıgili aportynan dám tatty

Foto: Aqorda baspasóz qyzmeti

«Qazaqstan almanyń otany retinde keńinen tanymal. Aport surpy elimizdiń eń iri megopolısi – Almatynyń mańaıynda ósedi. Biz almanyń osy túrin ózderińizben kúsh biriktire otyryp, álem naryǵyna shyǵarýǵa nıettimiz. Osy bastamamyzdy iske asyrý barysynda Sizdiń jeke qoldaýyńyzǵa arqa súıeımiz», dedi Qasym-Jomart Toqaev.

Sonymen qatar Memleket basshysy Halyqaralyq Araldy qutqarý qory jáne Azyq-túlik qaýipsizdigi jónindegi Islam uıymynyń tóraǵasy retinde Qazaqstannyń basymdyqtary týraly aıtty.

Qasym-Jomart Toqaev Uıymdy Aral basseınindegi jerlerdiń topyraǵyn melıorasııalaýǵa jáne sý resýrstaryn basqarýǵa qatysty jobalar ázirleý isine jan-jaqty qoldaý kórsetýge shaqyrdy. Sondaı-aq Prezıdent elimizde FAO-nyń Ortalyq Azııadaǵy óńirlik bólimshesin ashýdy usyndy

Toqaev

Azyq-túlik jáne aýyl sharýashylyǵy uıymynyń bas dırektory jahandyq azyq-túlik qaýipsizdigin qamtamasyz etý jáne gýmanıtarlyq kómek kórsetý isinde Qazaqstan aımaqta ǵana emes, búkil álemde eleýli ról atqaratynyn atap ótti.

Kezdesý sońynda Prezıdent mazmundy áńgime-dúken qurǵany úshin FAO basshylyǵyna rızashylyǵyn bildirip, ony aldaǵy Halyqaralyq Astana forýmyna qatysýǵa shaqyrdy.

Qasym-Jomart Toqaev Qurmetti qonaqtar kitabyna qoltańba qaldyrdy.