Foto: arenasporta.com.ua
«Biz (almatylyq «Qaırat» fýtbol klýbynyń oıynshylary) KSRO chempıonatyndaǵy kezekti matchty ótkizý úshin Mınsk qalasynyń áýejaıynda boldyq. О́ıtkeni birinshilik kestesi boıynsha biz jergilikti «Dınamo» komandasymen oınaýymyz qajet. Al О́zbekstannyń «Pahtakor» oıynshylary Baký qalasynda tartysqa túsýi tıis bolatyn. Biz jospar boıynsha «Pahtakor» klýbynyń oıynshylary bar ushaqqa Mınskiden minip Bakýge ushýǵa tıisti edik. Belarýs eliniń astanasyndaǵy áýejaıda otyrǵanda áýe apatynyń oryn alǵanyn habarlady. «Ortalyq Azııa elderiniń fýtbol komandasy apatqa ushyrady» degen qaraly habardan eseńgirep qaldyq. Dereý Almatyǵa telefon shalyp ózimizdiń din-aman ekenimizdi aıttyq. Bir saǵattan keıin ǵana eki ushaq soqtyǵysyp, zamandastarymyz, talantty fýtbolshylardyń qaza tapqanyn estidik», dedi Quralbek Ordabaev.
Dańqty qaqpashy Quralbek Ordabaevty 1971 jyly «Pahtakor» fýtbol klýbynyń basshylary men bas bapkeri komandaǵa shaqyrǵanyn da aıtty, ákesi kelisim bermegendikten barmaǵanyn jetkizdi.
1979 jyldyń 11 tamyzynda 8400 metr bıikte eki Tý-134 ushaǵy soqtyǵysyp, 178 jolaýshy qaza tapty. Olardyń arasynda «Pahtakor» fýtbol komandasynyń 14 oıynshysy men klýb jetekshileri de bar bolatyn.
