Foto: Turizm_jane_sport_ministrligi
Jıynda trıatlonnan Qazaqstan quramasynyń byltyr halyqaralyq jarystarda táýir nátıje kórsetkenimen, Qytaıdaǵy Azııa oıyndarynda báseke aldyndaǵy óz mindettemelerin oryndaı almaǵany da aıtyldy. Iаǵnı, ulttyq quramanyń bas jattyqtyrýshysy Azıadanyń aldynda 1 kúmis medal jeńip alýǵa ýáde bergenimen, is júzinde tek 1 qola júldege qol jetkizdi.
«Qazaqstan trıatlonynyń halyqaralyq arenada jeńispen órilgen jaqsy dástúri bar. Atap aıtar bolsaq, elimizdiń dańqty trıatlonshysy Gaag Dmıtrıı 1999 jyly álem chempıonatynda top jaryp, Sıdneı Olımpıadasynda óner kórsetti. О́kinishke qaraı, Jasyl qurlyqtaǵy alamanda jerlesimiz 4-oryndy qanaǵat tutýǵa májbúr boldy. Sonymen qatar otandyq sportshylardan Olımpııa oıyndaryna Mıhaıl Kýznesov (Sıdneı) pen Danıl Sapýnov (Afıny) ta qatysqan edi. Alaıda, olar da júldeli oryndardan kórine almady. 2012 jyldan beri jerlesterimiz trıatlon sportynan Olımpıada lısenzııasyn jeńe almaı keledi. Sondyqtan aldaǵy ýaqytta otandyq trıatlondy jandandyryp, nátıjege jumys isteý kerek», dedi Ermek Marjyqpaev.
Sonymen qatar mınıstr Olımpııa oıyndary qarsańynda trıatlon federasııasyna Olımpıada joldamasyn ıelenýge múmkindigi bar ulttyq qurama kóshbasshylaryn jeke jospar boıynsha daıyndaý, 2024 jylǵa arnalǵan sporttyq-buqaralyq is-sharalardyń kúntizbesin júıeleý, halyqaralyq uıymdardaǵy ókilderimizdiń sanyn arttyrý jáne álemdik deńgeıdegi tóreshilerdi daıarlaý jónindegi jumysty jalǵastyrý tapsyryldy.
