Prezıdent • 24 Qańtar, 2024

Qanysh Sátbaevtyń 125 jyldyǵyn joǵary deńgeıde atap ótý mańyzdy – Prezıdent

370 ret

kórsetildi

1 mın

oqý úshin

Memleket basshysy Ulttyq ǵylym akademııasynyń prezıdenti Aqylbek Kúrishbaevty qabyldady. Kezdesý barysynda otandyq ǵylymdy damytý máseleleri talqylandy. Memleket basshysy byltyr jańa mártebe berilgen Ulttyq Ǵylym akademııasy otandyq ǵalymdardyń kúsh-jigerin biriktirip, ǵylym men ekonomıkaǵa naqty paıda ákeletin jańalyqtar engizýge erekshe mán berýge tıis ekenin atap ótti, dep habarlaıdy Egemen.kz Aqordanyń bapsasóz qyzmetine silteme jasap.

Shyńǵys MUQAEV

Qanysh Sátbaevtyń 125 jyldyǵyn joǵary deńgeıde atap ótý mańyzdy – Prezıdent

Foto: Aqorda baspasóz qyzmeti

Qasym-Jomart Toqaev Ulttyq ǵylym akademııasynyń jańa múshelerin saılaý prosesin jedeldetý, Akademııa jumysyna talantty jas ǵalymdar men jańa mamandardy keńinen tartý qajet ekenine nazar aýdardy.

Sonymen qatar Prezıdentke Aqylbek Kúrishbaev ózi basqaratyn Qazaq ulttyq agrarlyq zertteý ýnıversıtetiniń ǵylymı zertteýlerin jáne agroónerkásip salasyn jetildirýge baǵyttalǵan jumystaryn tanystyrdy.

Memleket basshysynyń pikirinshe, oqý ornyna zertteý ýnıversıteti mártebesiniń berilýi agrarlyq sektordaǵy ǵylymı ázirlemelerdi naqty óndiriske engizýge, ǵylymı zertteýlerdiń nátıjesin kommersııalandyrýǵa múmkindik beredi.

Kezdesý sońynda Qasym-Jomart Toqaev jańa mindetterdi eskere otyryp, Ulttyq ǵylym akademııasyn damytý strategııasy men jumys josparyn pysyqtaýdy tapsyrdy. Sonymen qatar Qazaqstan Ǵylym akademııasynyń negizin qalaǵan Qanysh Sátbaevtyń 125 jyldyǵyna arnalǵan is-sharalardy joǵary deńgeıde uıymdastyrý mańyzdy ekenin aıtty.