Bul jańalyq eń áýeli Reseı Ǵylym akademııasy Materıaldyq mádenıet tarıhy ınstıtýtynyń saıtynda jarııalandy. Osyndaǵy baspasóz málimetine qaraǵanda, jádiger kezdeısoq jaǵdaıda tabylǵan. Al mórge qatysty zertteý júrgizgen mamandar: «Mórdiń tabanyna salynǵan jylqy men shabandoz beınesi sol dáýirdiń áskerı qolbasshysy nemese jekelegen batyrǵa tán geraldıkalyq belgi bolýy jáne mórdegi jalyn tárizdi ırek belgi onyń ıesiniń qýat-kúshin áıgileıtin tańba bolýy múmkin», dese, taǵy bireýler bul mór-tańba Jibek joly boıymen jylqy jetkizýmen aınalysatyn saýdagerge tıesili kirke (paıza), ıaǵnı quqyqtyq mártebe beretin qujat deıdi.
Atalǵan jádiger tabylǵan Býrıatııanyń ońtústigindegi Dýreny aýlynyń mańynan reseılik arheologter 1979 jyly ǵun ımperııasy elıta ókilderiniń mártebesin aıqyndaıtyn atrıbýttary bar ıtbalyq, taý eshki, t.b. zattardy tapqan edi. Bul jádigerlerge ǵalymdar «Ǵun ımperııasynyń soltústik shekarasy bıliginde bolǵan aqsúıekterdiń otbasylyq belgisi bolýy múmkin» degen pátýa bergen kórinedi. Bul paıym pen jańadan tabylǵan jádigerlerge qatysty aıtylǵan tujyrym sáıkes kelip tur.
