Foto: egemen.kz
Parıjdi basqaryp otyrǵan alǵashqy áıel-ákim qala jazǵy Olımpıada oıyndaryn ótkizýge 100 paıyz daıyn emes ekenin jasyrmady. Ol suhbatynda sporttyq saıystardy tamashalaýǵa kelgen adamdar men qatysýshylardyń saıahattaýy men qalany tamashalaýy úshin transport tapshylyq týdyratynyn alǵa tartty.
«Bul máseleniń baryn jasyryp-jabýdyń qajeti joq. Ashyǵyn aıtý kerek. Qazirdiń ózinde qoǵamdyq kólik jetispeýshiligi baıqalady. Olımpıada ýaqytynda transportqa suranys edáýir artady. Biz qosymsha kólik jelilerin iske qosyp, tramvaı symyn Port-Dofın stansııasyna deıin uzartýdy josparlap otyrmyz», dedi Ann Idıalgo.
Ol sondaı-aq qaladaǵy áleýmettik ahýal kóńil kónshitpeıtinin, el astanasynda úısiz azamattardyń kóbeıgenin aıtty.
«Biz Olımpıada oıyndary kezinde qaladaǵy kedeılik shegin jasyrǵymyz keledi. Ol ótip ketkende qaıtadan sol qalpymyzǵa oralamyz. Men bul halyqaralyq is-sharanyń Parıjde oń iz qaldyrǵanyn qalaımyn. Máselege tik qaraý kerek», dedi Parıj meri.
Ann Idıalgo sporttyq saıystar ótetin Sena ózenin tazartý isi de kúrmeýli ekenin de eske saldy.
Foto: www.bfmtv.com
