Jaýynger súıegi elge jetkizildi

Atyraý qalasynda ótken saltanatty rásimge Qorǵanys mınıstrliginiń, qalalyq ákimdiktiń, qor­ǵanys isteri jónindegi departamenttiń ókil­deri jáne «Sarmat» maman­dan­dyrylǵan mektep-lıseı-ınter­natynyń oqýshylary qatysty.

1942 jyly habar-osharsyz ketken Qısym Ádıevtiń súıegin «Fenıks» jasaǵynyń izdeýshileri Smolensk obly­synyń Temnın aýda­­nyna qarasty Batıýshkovo aýyly mańynan tapqan. «1911 jyly týǵan Qısym Ádıevti medalony arqyly anyqtaýǵa múmkindik týyp­ty. Eń qýanyshtysy, onyń týystary da tez tabyla ketti. Biz qaza tapqan jaýyngerdiń uly Sembaı Qısymovqa ákesiniń «Shagnývshıı v bessmertıe» medalin qosa tabystadyq», dep atap ótti «Atamnyn amanaty» qoǵamdyq birlestigi baspasóz qyzmetiniń basshysy Ábýbákir Smaıylov.

Qısym Ádıev 80 jylǵa jýyq ýaqyt habar-osharsyz ketkender tiziminde bolǵan. Ol maıdanǵa attanǵanda artynda áıeli men uly Sembaı qalypty.

– Ákem soǵysqa ketkende men eki jas­ta­ ǵana bolyppyn. Ol kisi sodan qaıta oral­mady. Bizge osy qýanyshty syılaǵan izdeý­shi­ler men «Atamnyn amanaty» qoǵam­dyq bir­les­tigine alǵysym sheksiz, – dedi Sembaı Qısymov.

Jaýyngerlik dástúrge sáıkes marqumnyń súıe­gi men dýlyǵasy, medalon sekildi jeke zat­­­tary týystaryna tabys etildi. Endi sarbaz tý­­ǵan­ jerinde áskerı qurmetpen qaıta jer­le­­­­ne­di.