Kollajdy jasaǵan – Záýresh SMAǴUL, «EQ»
Baǵdarlama «Otbasy bank» AQ arqyly elordada bastapqy nemese qaıtalama naryqta páter satyp alýǵa múmkindik beredi. О́tinimderdi qabyldaý elektrondy túrde birge.astana.kz portaly arqyly júzege asyrylady. Alaıda bank nebári 80 nesıe ǵana beredi. Shart boıynsha qaryzdyń eń joǵary somasy – 18 mln teńge. Bastapqy jarna – 10, qaryz boıynsha mólsherleme – jyldyq 5 paıyz. Al nesıeleý merzimi – 25 jylǵa deıin.
«Qatysýshy Astana qalasynda kem degende keıingi bir jyl ishinde turaqty tirkeýde bolýy qajet. Ári ótinish berý sátindegi qatysýshynyń tańdalǵan saladaǵy resmı jumys ótili keıingi bir jyldan kem bolmaýǵa tıis. «Otbasy bankinde» satyp alatyn baspana qunynyń 10 paıyzy, ıaǵnı 1 mln 800 myń teńge alǵashqy jarnasy bar depozıti bolýy kerek. О́z atynda baspanasy barlar baǵdarlamaǵa qatysa almaıdy. Iаǵnı baǵdarlamaǵa qatysýshynyń jáne onyń otbasy músheleriniń Qazaqstan aýmaǵy boıynsha keıingi 5 (bes) jyl ishinde satyp alý quqyǵymen jalǵa beriletin turǵyn úıdiń, satyp alý quqyǵynsyz jalǵa beriletin turǵyn úıdiń nemese menshik quqyǵymen turǵyn úıdiń (erli-zaıyptylardyń ortaq birlesken menshigi, ótinishke engiziletin otbasynyń basqa múshelerimen birlesip ortaq úlestik menshik) bolmaýy mańyzdy. Otbasynyń árbir múshesine keıingi 6 aı úshin eńbek nemese kásipkerlik qyzmetten (zeınetaqy aýdarymdaryn, jeke tabys salyǵyn jáne ózge de mindetti aýdarymdardy esepke almaǵanda) eń tómengi kúnkóris deńgeıiniń 6 eselengen shamasyna deıingi kirisiniń bolýy (260 442 teńge) da eskeriledi», dedi Astana qalasy ákimdigi baspasóz hatshysy Aqmaral Oljabaeva.
Qatysýshylardy irikteý eń joǵary baldan eń tómen balǵa esepteýdi paıdalana otyryp júrgizilmekshi. Máselen, tańdalǵan saladaǵy jumys ótiliniń tolyq 1 jyly – 5 ball, tolyq emes jyly – 3 ball. Eskere ketetini, ótinish berýshide nemese joldasy nemese jubaıynda I, II, III toptaǵy nemese balalarda múgedektiktiń bolýyna 10 ball qosylady.
