Foto: Azattyq Ruhy saıty
О́tken jyldardaǵydaı, bıyl da UBT-da erekshe bilim berý qajettilikteri bar talapkerler úshin usynylatyn qosymsha 40 mınýt ýaqyttyń saqtalatyndyǵyn aıtqan Ulttyq testileý ortalyǵynyń dırektory Rýslan Emelbaev: «Sonymen qatar kórý qabileti buzylysqa ushyraǵan balalardyń yńǵaıy úshin syzba jáne dıagrammalarsyz suraqtar ázirlendi. Qabyldanǵan sharalardyń arqasynda testileýge qatysatyn múmkindigi shekteýli balalardyń sany artyp keledi. Eger 2021 jyly UBT - ǵa 90 bala qatyssa, 2022 jáne 2023 jyldary olardyń sany 500 adamǵa jetti», dedi.
Onyń aıtýynsha, atalǵan baǵytta jumystar jalǵasady.
Aıta ketsek, qajet bolǵan jaǵdaıda erekshe bilim berý qajettilikteri bar talapkerlerge UBT-da pán muǵalimi emes kómekshiler usynylady.
