Foto: KazNARU baspasóz qyzmeti
Sertıfıkatty WSB Akademııasynyń Halyqaralyq yntymaqtastyq jónindegi prorektory, doktor Rafal Rembılas tabystap, bul mártebeli ataq KazNARU basshysy A.Q.Kúrishbaevqa ǵylym men joǵary bilimdi damytýdaǵy úzdik jetistikteri úshin jáne eki eldiń ǵylymı qaýymdastyqtary arasyndaǵy yntymaqtastyqty nyǵaıtýǵa qosqan zor úlesi úshin berilgenin aıtty.
О́z kezeginde, KazNARU rektory Aqylbek Kúrishbaev ýnıversıtettiń polıak seriktesterimen ornatylǵan yntymaqtastyǵynyń mańyzdy baǵyttaryna toqtalyp, joǵary bilim jáne ǵylym salasynda birlese atqarylǵan belsendi jumystarǵa rızashylyǵyn bildirdi.
«Kezdesý aıasynda básekege qabiletti kadrlardy daıarlaý boıynsha birlesken bilim berý jobalaryn iske asyrý; menedjment jáne iskerlik ákimshilik salasynda eki dıplomdy bilim berý baǵdarlamalaryn qurý; sıfrlandyrý jáne aqparattyq tehnologııalar, ǵylymı-zertteý baǵdarlamalary men qoldanbaly zertteýler salasyn damytý máseleleri egjeı-tegjeıli talqylandy», delingen habarlamada.
Qos tarap ózara tıimdi yntymaqtastyqty odan ári tereńdetý týraly ortaq pikirge kelip, birlesken bilim berý baǵdarlamalary týraly Memorandýmǵa qol qoıdy.
