Ortalyqtaǵy zamanaýı dıagnostıkalyq quraldar AYALA qaıyrymdylyq qorynyń «Álemdi kóremin» jobasyn júzege asyrýdyń jáne Almaty qalalyq Qoǵamdyq densaýlyq saqtaý basqarmasymen yntymaqtastyq týraly mámileniń arqasynda alynyp jatyr.
Bul – AYALA qaıyrymdylyq qorynyń Qazaqstannyń medısınalyq ortalyqtaryna alyp bergen jetinshi retınaldy kamerasy. Qor bıyl, ıaǵnı 2024 jyly osyndaı dıagnostıkalyq qurylǵylardy Aqtóbe men Atyraýdaǵy Perınataldyq ortalyqtarǵa alyp berýdi josparlap otyr.
Úndistanda jasalǵan FORUS NEO retınaldy kamerasy oftalmolog dárigerge tipti reanımasııa jaǵdaıyndaǵy, tipti jańa týǵan náreste О́JJ apparatyna qosýly bolǵan kezde de balany dıagnostıkalaýǵa múmkindik beredi – mundaı múmkindik basqa apparattarda joq. Kamerany paıdalaný ádisi qarapaıym ári noýtbýkpen úılesedi, onda kishkentaı pasıentter týraly barlyq aqparat, retınopatııany dıagnostıkalaýdyń fotosýretteri men beınequjattary túgel saqtalady. Dárigerlerge dıagnostıka kezinde, emdelgenge deıin jáne emdelgennen keıin ata-analarǵa kóz toryndaǵy ózgeristerdi kórsetip otyrýǵa kómektesedi.
AYALA qaıyrymdylyq qory «Álemdi kóremin» jobasyn úsh jyl úzbeı júzege asyryp keledi. Tıimdi qaıyrymdylyq tásilderi arqyly Qor otandyq oftalmolog dárigerlerge Qazaqstannyń 17 perınataldyq jáne ǵylymı ortalyqtarynda 4,5 myńnan astam jańa týǵan náresteni dıagnostıkalap jáne osy ortalyqtardy 26 dana dıagnostıkalyq jáne lazerlik jabdyqtarmen qamtamasyz etýge kómektesti. Qor satyp ápergen jabdyqtardyń arqasynda retınopatııa boıynsha táýekel sanatyndaǵy shala týǵan balalarǵa 100% skrınıng jasaldy
«Almaty qalasynyń Perınatologııa jáne balalar kardıohırýrgııasy ortalyǵynda jyl saıyn 8,2 myńnan astam náreste dúnıege keledi, onyń ishinde dene salmaǵy óte tómen 800 shaqty sábı bar. Retınaldy kamera bul ortalyqtyń oftalmologtaryna jedel de dál dıagnoz qoıýǵa jáne qajetti emdi ýaqtyly usynýǵa kómektesedi, sonyń arqasynda júzdegen bala soqyrlyqqa dýshar bolýdan qutyla alady», deıdi AYALA qaıyrymdylyq qorynyń negizin qalaýshy ári prezıdenti Aıdan Súleımenova.
AYALA qaıyrymdylyq qory 2021 jyldyń mamyrynan bastap Densaýlyq saqtaý mınıstrligimen Memorandýmǵa sáıkes «Álemdi kóremin» jobasyn júzege asyryp keledi. 2023 jyldyń qazan aıynda Qor Almaty qalasy QDSB Perınatologııa jáne balalar kardıohırýrgııasy ortalyǵymen de Yntymaqtastyq týraly memorandýmǵa qol qoıdy. Jobany iske asyrý barysynda retınopatııaǵa baılanysty Qazaqstanda shala týǵan balalardyń kórý qabileti boıynsha múgedektigi 0,6 paıyzǵa deıin azaıdy.
