Ár memlekettiń áleýmettik-ekonomıkalyq jaǵdaıyn ilgeriletýshi faktor kóp. Sonyń biri – bilikti kadr. Ásirese memlekettiń kez kelgen salasy jasandy ıntelektige, sıfrlanýǵa basymdyq berilgen tusta mamannyń shıraqtyǵy mańyzdy. Bul rette jastardyń róli erekshe. Sebebi olar zamanaýı bilim ala otyryp, qatardan qalys qalmaý úshin biliktiligin kúnnen-kúnge shyńdap otyratyn býyn. Osy oraıda jasandy ıntellektini tájirıbede qoldanyp, oń nátıjesin kórsetip jatqan azamattar bar. Jastar qanaty da óz is-shara, jobalaryn ozyq tehnologııalardyń kómegine júginip, azamattarǵa qoljetimdi ári yńǵaıly formatta jetkizip júr. Jasandy ıntellekt arqyly stýdentterdiń, jas mamandardyń qyzyqty ıdeıalaryn odan ári damytýǵa, ýaqytty tıimdi paıdalanýǵa yqpal etip keledi.
Máselen, jastardy jumyspen qamtýǵa baǵyttalǵan «Jastarǵa jumys» jobasy aıasynda ótken jármeńkede jasandy ıntellekti, «ChatGPT»-ǵa júgindik. Jármeńke barysynda jumys izdegen azamattar óz túıindemelerin JI arqyly toltyrdy. Bul ýaqytty tıimdi paıdalaný men qajetsiz dúnıelerge kóńil aýdarýdan shekteıdi.
Qazir álem órkenıettiń jańa satysyna qadam basty. Elimizde bolyp jatqan saıası ózgerister – jastarǵa oń yqpalyn tıgizerine senimdimiz. Memleketpen qatar, biz de jasampaz progressterge qadam basýǵa, rýhtastar tarapynan jemisti jumys isteýge daıynbyz.
Aqerke ESKENDIROVA,
«Jastar rýhy» jastar qanaty tóraǵasynyń mindetin atqarýshy
