Foto: polisia.kz
«Kúdiktiniń Almatydaǵy jalǵa alynǵan páterinen salmaǵy 250 gramm kokaın tárkilendi. Ol kofe túrinde plastıkalyq kapsýlalarǵa jasyrylǵan. Budan ári Qazposhta bólimshesinde fıgýrantqa tıesili sálemdemeni tárkileý boıynsha tergeý sharalary júrgizildi. Odan jalpy salmaǵy shamamen 1 kg esirtki zattary bar plastıkalyq bankalar tabyldy, onyń ishinde 0,5 kg kokaın jáne 400 gramnan astam ekstazı bolǵan. Bul úsh myńnan astam bir rettik dozany quraıdy. Anyqtalǵandaı, ustalǵan sheteldik kýrer fýnksııasyn úsh aıǵa jýyq oryndap kelgen, al Almatyǵa sharýashylyq taýar retinde jasyrylǵan poshta sálemdemeleri arqyly esirtkiniń sırek túrlerin satý maqsatynda ǵana kelgendigi» málim boldy.
«Ustalǵan adamǵa qatysty esirtki zattaryn ótkizý maqsatynda asa iri mólsherde zańsyz satyp alý jáne saqtaý faktisi boıynsha sotqa deıingi tergep-tekserý amaldary júrgizilip jatyr. Bul qylmystar úshin múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy qarastyrylady. Kúdikti qamaýǵa alyndy. Elge kokaın jetkizý arnalaryn anyqtaý boıynsha is-sharalar jalǵasyp jatyr. О́zge aqparat tergeý múddesi úshin jarııa etilmeıdi», dedi IIM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.
