Memleket qarajaty qatań baqylansyn

Bul mindetti júzege asyrýda mem­lekettik apparat batyl áreket etýi kerek. Osyǵan baılanysty Úkimettiń jańa quramyna bıýdjet jáne salyq mindettemeleriniń tıimdiligin arttyrý júkteldi.

Sondaı-aq Memleket basshysy jańa Salyq kodeksin ázirleýge mán berip otyr. Odan basqa agroónerkásipti damytý jáne sý resýrstaryn únemdeýge basymdyq berý qajettigin erekshe aıtyp ótti. Aldaǵy úsh jyl ishin­de aýyl sharýa­shylyǵyna kóp qara­jat qaras­ty­rylady, sáıkesinshe agro­óner­kásip salasyndaǵy óńdelgen ónimniń úlesi 70 paıyzǵa artýy basty mindet. Al agrarlyq sala úshin sý – eń basty resýrs. Sondyqtan sýdy únemdeý tehnologııasyn engizý jáne sýdy kóp qajet etetin daqyldardy azaıtý baǵytynda júıeli jumysty júzege asyrý kerek.

Prezıdentimiz ınfraqurylymdy damytý salasynda shuǵyl shara­lar qabyl­daý qajettigin aıtty. Bul úshin Úki­mettiń aldynda, jylý orta­lyqtaryn kúrdeli jóndeýden ótkizý jáne qosymsha qýat kózin tabý, ony júzege asyrý mindeti tur. Sonymen birge elimizde respýblıkalyq mańyzy bar joldardy jóndeýdi tezirek aıaq­taýdy qolǵa alý jáne temirjol salasynda qyzmet sapasynan bastap qordalanǵan barlyq máseleni sheshý qajet. Bul elimizdiń Eýrazııanyń kólik-logıstıkalyq habyna aınalýy­na múm­kindik beredi.

Memleket basshysy áleýmettik salany odan ári jetildirýge, re­for­ma­laýǵa da erekshe toqtaldy. Bú­ginde respýblı­ka­lyq bıýdjettiń 50 paıy­zynan kóbi áleýmettik sa­laǵa qaras­tyrylǵan. Son­dyq­tan memleket qarajatynyń tıim­diligi ár­daıym erekshe baqylaýda bolýy qajet. MÁMS júıesiniń jumysy, halyqqa kórsetiletin medısınalyq qyz­metterdiń qoljetimdiligimen birge sapasyn arttyrýǵa baılanysty naqty mindetter aıtyldy.

Prezıdent Úkimettiń keńeıtilgen otyrysynda memlekettik satyp alý, memleket pen jekemenshik serik­testigi, qurylys salasyn refor­ma­laýǵa baılanysty zańdar qabyldaý qa­jettigin aıtty. Májilis depýtat­tary retinde birneshe zań jobasyna tıisti normalardy eksperttik qoǵamdastyqpen talqylap, ázirleýge kirisip kettik. Sonymen qatar Má­jilistiń ple­nar­lyq otyrysynda Prezıdent VIII shaqyrylymdaǵy depýtat­tar kor­pýsynyń jumysyna oń baǵa berdi. Bul – biz úshin úlken jaýap­ker­shilik. Aldaǵy ýaqytta da osy senimdi aqtaýǵa, el ıgiligi jo­lyndaǵy qyz­metimizdi sapaly ári ýaq­tyly atqarýǵa jumylamyz.

Juldyz SÚLEIMENOVA,

Májilis depýtaty