Resýrstardy sanaly tutyný mańyzdy

Birinshi mindetterdiń qatarynda tozyǵy jetken nysandarǵa kúrdeli jóndeý jumystaryn júrgizý tur. Energetıka mınıstrliginiń derekteri boıynsha, respýblıkada ortasha tozý kórsetkishi 66%-dy quraıdy, keıbir nysandarda 90%-ǵa jetedi. Sonymen qatar ekonomıkanyń ósýi jáne jańa óndiristerdiń iske qosylýy bary­synda elektr energııasynyń tap­shylyǵy máselelerin sheshý úshin jańa óndirýshi qýattardyń sapasy men merzimine muqııat nazar aýdarý qajet.

Memleket basshysy tarıfterdiń ósýine baılanysty tutynýshylardy ataýly sýbsıdııalaý quraldaryn engizý qajettigin atap ótti. Bul tur­ǵyda halyq aldynda jylý men elektr energııasyn únemdep paıdalaný tezısi ózekti.

Úkimet turǵyn úı jáne ónerkásip sektorlarynda energııany únemdeýdi jáne onyń tıimdiligin arttyrý jó­nindegi is-sharalar keshenin ázirleýge ári qabyldaýǵa basa nazar aýdarýǵa tıis.

Mundaı is-sharalar jospary qu­rylys normalary men erejelerin baqylaý, jylý energııasyn bosatýdy esepke alý, kommýnaldyq qyzmetterdi usyný, jylý tólemderin 20% nemese odan da kóp tómendetýge múmkindik beretin tikeleı áreket etetin avtomatty termostattardy ornatý máselelerin qamtýy múmkin. Bul tásil resýrstardy sanaly ári únemdi tutynýǵa yqpal etedi.

Sonymen birge ınfraqurylymnyń jaı-kúıin tolyq baǵdarlaý úshin jylýmen jabdyqtaý júıelerine to­lyqqandy tehnıkalyq aýdıt júrgizý jáne osy salanyń barlyq úderisterin odan ári sıfrlandyrý qajet. Bul sharalardy energetıkalyq obektiler men TKSh obektileri qyzmetiniń ashyq­tyǵyn qamtamasyz etedi. Oǵan qosa halyq úshin resýrstar kóleminiń qajet­tilik deńgeıin aıqyndaýǵa yqpal etetin monıtorıng júıesin qurýǵa sep bolady.

Baýyrjan О́MIRZAQOV,

Prezıdent janyndaǵy QSZI Jahandyq ekonomıka jáne turaqty damý bóliminiń bas sarapshysy