Foto: polisia.kz
«Aqtóbede qala turǵyny tizgindegen Toyota Alphard avtokóligi toqtatyldy. Kólikti tintý kezinde júksalǵyshta ósimdik tektes, jasyl tústi, erekshe ıisi bar zat salynǵan jáne skotchpen oralǵan alty polımerli qap tabylyp, tárkilendi. Saraptama qorytyndysyna sáıkes tárkilengen zat salmaǵy 57,5 kg marıhýana ekeni anyqtaldy», dedi IIM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.
Jedel-izdestirý is-sharalary barysynda taǵy bir kúdikti ustalǵan. «Onyń garajynan ósimdik tektes zattar bar eki úlken qara paket tabylyp, tárkilendi. Tárkilengen zat salmaǵy 20 kg bolatyn marıhýana bolyp shyqty. Medısınalyq kýálandyrý qorytyndysyna sáıkes ekinshi kúdikti ustalǵan sátinde esirtkilik masań kúıde bolǵan. Jalpy salmaǵy 77 kg-nan asatyn bul esirtkilerdi atalǵan adamdar óńirge jetkizip, keıinnen satý maqsatynda saqtaǵany» jazylǵan aqparatta.
B.Ámirhanov uıymdasqan qylmystyq toptyń múshesi atanyp, osyndaı qylmys jasaǵany úshin kúdiktiler 15 jylǵa deıin sottalýy múmkin ekenin aıtty.
