foto: QR TJM
Al aldaǵy alty jylǵa daıyndalǵan 1 mln tonnadan astam shıkizat jerdiń astynda jatyr. Ázirge ony shyǵarýǵa ruqsat joq. Sebebi, qańtardyń 3-nen 4-ne qaraǵan túngi apattan soń, shahtalarda jumys isteýge tyıym salynǵan edi.
«Kenshiler 1,5 aıdan beri jappaı eńbek demalysynda. Endi olarǵa fabrıka ishindegi mamandar qosyldy. Jumyssyz qalǵandardyń jalpy sany – 1100 adam. Olardyń ary qaraıǵy taǵdyry ne bolary osy 1-2 kúnde sheshiledi», dedi kásiporynnyń bas dırektorynyń keńesshisi Orynjan Qabdolov.
Eske sala keteıik, jyl basynda fabrıka aýmaǵynda topyraqtyń opyrylýynan paıda bolǵan shuńqyrǵa 4 adamy bar avtobýs qulaǵan edi. Eki qutqarýshynyń denesi syrtqa shyǵaryldy. Taǵy eki adam áli izdestirilip jatyr.
