Foto: gov.kz
Ardaq Temirhanuly 1981 jyly Shymkent qalasynda dúnıege kelgen. M.Áýezov atyndaǵy Ońtústik Qazaqstan ýnıversıtetin «Halyqaralyq qatynastar», Qaztutynýodaǵy Qaraǵandy ýnıversıtetin «Ekonomıka» mamandyqtary boıynsha támamdaǵan. «Bolashaq» baǵdarlamasynyń túlegi. London Koroldik kolledji men Anglııa bıznes mektebin aıaqtap, memlekettik saıasat jáne qyzmetterdi basqarý, iskerlik ákimshilendirý salasynyń magıstri atanǵan.
Eńbek jolyn 2003 jyly Shymkent qalasynyń eńbek jáne áleýmettik qorǵaý basqarmasynyń bas mamany bolyp bastap, ár jyldary Aýyl sharýashylyǵy mınıstrliginiń Syrtqy baılanystar jáne ınvestısııalar basqarmasynyń jaýapty laýazymdarynda jumys istegen.
2006-2010 jyldary Qazaqstan Respýblıkasynyń О́zbekstan Respýblıkasyndaǵy Elshiliginiń úshinshi hatshysy, Syrtqy ister mınıstrliginiń Memlekettik protokol qyzmetiniń úshinshi jáne ekinshi hatshysy bolǵan.
2010-2019 jyldary QR Premer-mınıstri Keńsesiniń syrtqy baılanystar jáne protokol bóliminiń bas sarapshysy, sektor meńgerýshisi, «Samuryq-Qazyna Invest» JShS Halyqaralyq qatynastar departamentiniń dırektory, «Samuryq-Qazyna» Ulttyq ál-aýqat qory» basqarma tóraǵasy hatshylyǵynyń basshysy, QR Premer-mınıstri orynbasarynyń keńesshisi qyzmetterin abyroımen atqarǵan.
2019-2021 jyldary Syrtqy ister mınıstrligi Investısııa komıtetiniń Investısııalyq jobalardy súıemeldeý jáne iske asyrý basqarmasynyń basshysy, Komıtet tóraǵasynyń orynbasary laýazymdarynda nátıjeli qyzmet kórsetken.
2021 jyldyń qyrkúıek aıynan osy kezge deıin Syrtqy ister mınıstrligi Investısııa komıtetiniń tóraǵasy qyzmetin atqarǵan.
