Biz oıladyq ta qoıdyq, ashy sýdyń jeteginde júrgenderdi jetektep alyp kelip kórsetse dep. Bálkı, esin jıyp, el qataryna qosylar ma? Qansha aıtqanmen, teatr tárbıeniń oshaǵy ǵoı.
– «Qara pımany» alǵash ret О́skemende sahnalyq nusqasyn jasap, qoıdyq. Keıin Aqtóbede qoıyldy. Ol jaqta áli júrip jatyr. Endi Qaraǵandyǵa keldi. Aıta keterligi, poemada sheshesiniń ólimi belgisiz. Al qoıylymda bala chempıon bolýdy armandaıdy. Týǵan kúnin jasaıdy. Osyǵan bola anasynyń aýrýhanada jatpaı, em qabyldamaı erte shyǵyp ketýi trombtyń jarylýyna alyp keldi. Densaýlyq – zor baılyq. Muny umyttyq qazir. Uıyqtap qalyp, oıanbaı qalyp jatqandar kóp. Júıke sharshaǵan, asta da zııandy dúnıe kóp. Tromboembolııa aýrýy buryn 40 jastan keıin kezdesedi eken. Qazir 13 jastaǵy bala da shaldyǵyp jatyr. Bul – oılanatyn jaǵdaı. Densaýlyqty kútý kerek. О́zim dáriger bolǵan soń, osyndaı sheshimder qabyldandy. Pımany satqan ákesi toılap ketip, tóbelesip, 15 táýlikke qamalady. Osy arada bala aıaǵyn úsitti. Poema men dramalyq nusqa arasynda osyndaı aıyrmashylyq bar. Qoıylym sátti shyqty. Dese de sahnalanǵan saıyn pisip, jetile túsetinin aıta ketken jón, – deıdi rejısser Aıdyn Abzalbekuly.
Qoıylymnyń rejısseri bul joly jastardy shyǵarypty sahnaǵa. Jáne de olar ózine berilgen róldi sátti oryndap shyqqanyna bek rıza.
Bala rólin – Mereı Baqytbekuly, áke beınesin – Azamat Amantaı, anasyn – Saıa Bekbosynova, kórshi apany – Gúlnar Bazarbaeva, ákesiniń dosyn Jandos Sháken somdady.
Táýbesine kelgen áke aýrýhanaǵa kelip, balasynyń janyna jaıǵasyp, «Mynaý saǵan ákelgen jańa pıma» deı bergende, balanyń kóńili túsip, «Maǵan endi pımanyń qajeti joq», deıdi. Ákesi ańtarylyp qaldy da, aq kórpeni ashyp jiberdi. Balasynyń aıaǵyn baltyrdan kesip tastapty. Keshegi júgirýden chempıon bolamyn degen balanyń armany astan-kesten boldy. Osy sáttegi ákeniń kúıinýi de áserli shyqty. Bári-bári ashy sýdyń kesiri edi. Kesh te edi... Qoıylymdy bir demmen kórip otyr- ǵan kórermen oramalymen kóz jasyn súrtti.
«Bir baıqaǵanymyz, basqa túsken aýyrtpalyqqa, qaıǵyǵa erdiń eri tótep beredi eken. Jaqyn adamyńnyń qazasyna qatty qaıǵyryp, tirshilikten baz keshpeı, amanat ómirdi jalǵastyrý – mindet. Nege endi osyndaı qarapaıym qaǵıdattardy umytyp, orny tolmas qatelikke urynamyz? Úıdegi bar buıymnyń araqqa satylýy ókinishti. Basqasyn qoıyńyzshy, qazaqtyń janyndaı bolǵan qasıetti qara dombyra da ishimdikke bola satyldy. Al jalǵyz balasynyń pımasyn da ishkilikke aıyrbastaýy – zor qasiret. Birge kúıinip, birge jyladyq. Pımasynan aıyrylǵan balanyń aıaǵyn úsik shalyp, janyn aman alyp qalý úshin dárigerlerdiń kesip tastaýǵa májbúrligin basqasha qalaı ataýǵa bolady?», deıdi teatrdaǵy ár qoıylymdy qalt jibermeıtin Jálel Qýandyquly.
Qaraǵandy oblysy
