Depýtat Juldyz Súleımenova jańa normalardyń ishinde Qylmystyq kodekske «Urý» baby engizilgenin habarladady.
Buǵan deıin qyz-kelinshekterge qol kóterý, urý deregi ákimshilik quqyqbuzýshylyq týraly kodeks sheńberinde qaralyp kelgen.
Endi ózine er adam qol kótergenin aıtyp, naqty dáıek usynǵan áıel quzyrly organdarǵa aryzdansa, onyń shaǵymy Qylmystyq kodeks aıasynda qaralady. Sondyqtan áıelge qol kótergenniń de jazasy qatań bolmaq.
«Urý» baby boıynsha osyndaı shaǵym túsken jaǵdaı aıqyndalsa áıeline qol kótergen, shapalaqpen tartyp qalǵan er azamattar 25 táýlikke qamalady. Sondaı-aq 80 AEK-ke deıingi mólsherde aıyppul salynýy múmkin. (80 AEK - 295 360 teńge).
80 saǵatqa qoǵamdyq jumysqa tartý sharasy da engizilgen.
Atalǵan bapty halyq qalaýlylary birinshi oqylymda maquldady.
