Foto: Senat
Nurtóre Júsip elimizdegi qoǵamdyq kelisim men jalpyulttyq birliktiń ekojúıesin qalyptastyrýdyń basty quraly retinde qazaq tiliniń joǵary róli týraly aıtyp berdi. Sondaı-aq Memleket basshysy qazaq tiliniń damýy men mártebesin arttyrý máselesine erekshe nazar aýdaryp otyrǵanyn atap ótti.
«Prezıdent qazaq tiliniń rólin kúsheıtý máselesin birneshe ret kótergen bolatyn. Qazaq tili ýaqyt óte kele ultaralyq qarym-qatynas tili jáne úlken saıasat quraly bolýǵa tıis ekeni atap ótildi. Memleket basshysynyń osy baǵyttaǵy saıası baǵytyn iske asyrýdyń strategııalyq mańyzy zor dep sanaımyn. Shynynda da, kórip otyrǵanymyzdaı, qazaq tili jańa kelbetke ıe bolyp keledi, al onyń suranysqa ıe bolǵany dáleldi qajet etpeıtin fakt. Sonymen qatar bizdiń tilimizdiń tanymaldyǵy tek Qazaqstanda ǵana emes, odan tys jerlerde de artyp keledi. Álemdik qoǵamdastyq bizdiń tilimizge, mádenıetimizge jáne turmysymyzǵa zor yqylas tanytýda. Meniń oıymsha, munyń bárine Prezıdentimizdiń ashyqtyq pen dıplomatııa saıasaty yqpal etip otyr. Búgingi is-shara kózdegen baǵytty júzege asyrýdaǵy mańyzdy qadamdardyń biri – qazaq tiliniń rólin kúsheıtý dep sanaımyn», dedi Nurtóre Júsip.
Senator sonymen qatar Memleket basshysy qoıǵan mindetter aıasynda Parlament «Bir el – bir múdde» depýtattyq toby atynan memlekettik tildi qoldaný aıasyn keńeıtýdi kózdeıtin keshendi sharalar qolǵa alynatynyn atap ótti.
