Foto: gov.kz
«Nege osy ózimizde jaqsy ósetin qyzǵaldaqtardy alystan ákelemiz dep oıladym. Ony syrttan tasymaldaǵannan keıin ol gúldiń baǵasyna da, sapasyna da aıtarlyqtaı áser etedi. Meniń qyzǵaldaqtarym esh jerde jatyp qalǵan joq, eshqaıdan ákelingen joq, baqshamda ósip tur, demek olardyń gúl shoqtary da áldeqaıda uzaǵyraq turady», deıdi Baýyrjan Bólegenov.
Onyń aıtýynsha, negizgi jumysy bar bolǵandyqtan, bul – maýsymdyq jumys, qysqy ýaqytty paıdaly ótkizý nıetimen qolǵa alǵan. Ol óz kúshimen baqshasy aýmaǵynda 110 sharshy metr kólemindegi jylyjaı salǵan. Sodan soń golland qyzǵaldaqtarynyń tamyr-túıinderin satyp alǵan, olardy arnaıy kompanııa Almatydan jetkizip bergen. Onyń 14 túrli sortynyń 30 myńǵa jýyq túbirin ekken. 4-5-eýi-erte gúldeıtin sort eken, qazirdiń ózinde gúldepti.
«Gúlderdi tehnologııalyq standartqa saı saqtaýǵa qoıamyn. Jylyjaı jyly, sondyqtan gúlder jumsaq, al sabaǵy men búrshigi qatty ári serpimdi bolýy úshin olardy sýyqta ustaý kerek. Sol úshin maǵan jazǵy as úıdi jabdyqtaýǵa týra keldi. Bul da jeńil bolǵan joq. Kóktemge qaraı qyzǵaldaqtaryma suranys bolady degen úmittemin. Jalpy, gúlderdi ósirý, ásirese jylyjaı jaǵdaıynda kútip-baptaý erekshe kúsh-jiger men qamqorlyqty qajet etedi. Temperatýra rejımin saqtaýmen qatar ylǵaldylyq deńgeıi jáne basqa da kóptegen usaq-túıek sııaqty kóringenimen mańyzdy nárseler bar. Gúl bıznesiniń osy búkil erekshelikterin birtindep ıgerdim, endi ónimimdi satý úshin iskerlik baılanystar ornatýym kerek», deıdi áleýmettik jelilerdiń múmkindikterin paıdalanatyn kásipker.
Oǵan gúl ósirýde zaıyby kómektesedi. Eger ónimniń ótimi oıdaǵydaı bolsa, onda ol kelesi jyly qyzǵaldaq ósirýdi jalǵastyryp, kólemin birte-birte 150 myńǵa jetkizbekshi.
