Foto: Astana halyqaralyq áýejaıynyń baspasóz qyzmeti
Áýejaıdyń baspasóz qyzmeti habarlaýynsha, ishki reıster termınalynda jolaýshylardy tirkeý qalypty jaǵdaıda jumys istep tur.
«Saǵat 10:48-de Astana halyqaralyq áýejaıynyń T2 ishki reıster termınaly paıdalanýǵa berildi. Sondaı-aq halyqaralyq áýe termınalyn qalpyna keltirý jumystary júrgizilip jatyr. Áýejaıda jumysty jalǵastyrý Tótenshe jaǵdaılar mınıstrligi mamandarynyń ruqsatymen múmkin boldy», delingen habarlamada.
Aıta keteıik, buǵan deıin Astana halyqaralyq áýejaıynyń termınalynda órt shyqqany belgili bolǵan edi. Tútinniń saldarynan ǵımarattan 500-ge jýyq jolaýshy evakýasııalandy. Oqıǵaǵa baılanysty 18 reıs keıinge shegerildi. Aldyn ala boljam boıynsha órttiń shyǵýyna elektr kabelderiniń tutanýy sebep bolýy yqtımal.
