Jıynǵa 80-ge jýyq boksshy qatysyp jatyr. Olardyń arasynda álemdik lısenzııalyq týrnırge qatysatyn alty boksshydan bólek, Ulttyq quramanyń ózge de músheleri men ár oblystyń quramalary bar.
– Jigitterdiń daıyndyǵy jaqsy. Basty kúshti lısenzııalyq týrnır aldynda boksshylardyń taktıkalyq jáne tehnıkalyq daıyndyqtaryna qoıyp otyrmyz. Qazaqstan boks federasııasy tarapynan barlyq jaǵdaı jasaldy. Endi 29 aqpan kúni Italııaǵa ushamyz, – dedi ulttyq quramanyń bas bapkeri Myrzaǵalı Aıtjanov.
Aıta keteıik, Apennın túbegindegi týrnırge Sáken Bıbosynov (51 kg), Mahmud Sabyrhan (57 kg), Muhamedsabyr Bazarbaıuly (63,5 kg), Aslanbek Shymbergenov (71 kg), Nurbek Oralbaı (80 kg) jáne Aıbek Oralbaı (92 kg) qatysady. Italııadaǵy týrnırge qatyspaıtyn boksshylarymyz Serbııa, Lıtva, Ázerbaıjan elderindegi halyqaralyq týrnırlerde óner kórsetedi. Sondaı-aq oqý-jattyǵý jıynynan keıin boksshylardyń birqatary Atyraýda ótetin Bolat Temirovti eske alýǵa arnalǵan halyqaralyq týrnırde baq synaıdy.
Al Italııanyń Býsto-Arsısıo qalasynda ótetin álemdik lısenzııalyq týrnırde erler arasynda 28 lısenzııa sarapqa salynady. Qazir Qazaqstan erler quramasy Parıj olımpıadasynyń bir ǵana lısenzııasyn ıelengen. Byltyr jazǵy Azııa oıyndarynda asa aýyr salmaqtaǵy Qamshybek Qońqabaev enshimizdegi jalǵyz ǵana joldamany jeńip aldy.
