Dınara Saılaýbaıqyzy ata-enesiniń ruqsatymen blogerlikti bastaǵanyn "1001 tún" baǵdarlamasynda aıtyp berdi.
- Kelin "Blogerlikti bastaıyn. Tanymal bolmasam da, baıqap kóreıin" degen soń, birden kelistim. Kelinim - aktrısa, ánshi. О́neri kóp. Bizdiń bala shyǵarmaı qoıǵan. Kelindi tyńdaımyz. Kelin bizdiń - bolashaǵymyz ǵoı. Kelin bolyp túskenine on jyl boldy, - dedi Júsip Aqshora.
Al akterdiń kelini Dınara atasynyń ómirde qandaı adam ekenin sıpattady.
- Kúıeýim basynda qarsy boldy. Biraq qazir ruqsatyn berdi. 2-3 jyldan beri blog júrgizsem dep oıladym. О́ner salasyna kishkentaıymnan qyzyǵatynmyn. Osy salada bilim aldym. Án aıtýǵa, qyz uzatýǵa ruqsat berdi. Biraq ony endi qolǵa alyp jatyrmyn. Áleýmettik jelini de qatar alyp kettim.
Atam ómirde de, úıde de óte meıirimdi. Kelinine de qyzyndaı, meıirimmen qaraıdy. Atam tańǵy saǵat 5-te oıanyp alady. О́z tamaǵyn ózi daıyndap, ishe beredi. Uıyqtap qalsaq, nemerelerine tańǵy as daıyndap beredi, - dedi Dınara Saılaýbaıqyzy.
