Shymkenttik ǵalym Ábdimálik Áshirov eshbir tyńaıtqysh paıdalanbaı astyq ónimdiligin 50 paıyzǵa arttyratyn tásil tapty. Arnaıy qurylǵynyń kómegimen óńdelgen tuqym mol ónim beredi ári sapasy joǵary. Ǵylymı zertteý boıynsha kez kelgen dándi daqyldyń tuqymy jerge sebýden bir aı buryn óńdeýden ótýi qajet. Tuqymdy 14 gers jıiliktegi 12 volt qýatpen sáýlelendiredi. Paıdasy mol bul úderis nebári 15 mınýt júredi. Osy ýaqyt ishinde tuqym saqtalǵan qambadaǵy dıametri 20 metr aýmaq bıorezonansty jolmen aktıvtendirý kerek. Tásildiń basty ereksheligi – qorshaǵan ortaǵa, topyraqqa zııan tıgizbeı, mol ónim berip, mýtasııalyq ózgeristerge ushyramaıdy.
– Alfa, betta omelogany 30 paıyzǵa kóbeıtken kezde dánniń ishinde gıdrolız júredi. Krahmal men gıkstrıni bar dán ishinde glıýkoza men frýktozaǵa aınalady, – deıdi ǵalym.
Ǵylymı joba osydan bes jyl buryn Ǵylym qorynyń qoldaýy arqasynda 200 mıllıon teńge grantqa ıe bolǵan. Solaı 18 túrli dándi daqyl sharýashylyqtarda synaqtan ótkizilgen. Al nátıjesinde alqaptardaǵy ónim 30-50 paıyzǵa artqan.
– Úsh jyldyń ishinde 128 sharýashylyqta jumys istep ózimizdiń tehnologııamyzdy dáleldedik. Qazir 7 oblysta jumys istep jatyrmyz. Meniń tobymda 18 adam bar, – deıdi Ábdimálik Áshirov.
Otandyq ǵalymnyń erekshe jańalyǵy osyǵan deıin álemniń 10 elinde synaqtan ótti. Jaqynda Lıtva men Polsha eliniń sharýalary da qoldanbaq. Tipti Qytaımen de kelisim jasaldy. Ǵylymı jańalyq 2017 jyly Forbes jýrnalynyń nusqasy boıynsha úzdik 10 ınnovasııalyq jobanyń qataryna endi.
