Ashylý saltanatynda sóz alǵan spıkerlerdiń barlyǵy memleket tarapynan sot júıesin damytýǵa erekshe kóńil bólinip otyrǵanyn atap ótti.
О́z sózinde A.Merǵalıev buǵan deıin aýdandyq sot 1966 jyly salynǵan aýmaǵy standartqa sáıkes úsh ese az tar ǵımaratta ornalasqanyn atap ótti. Sottalýshylarǵa, kelýshilerge, sot otyrysyna qatysýshylarǵa jáne taǵy basqa úshin sot zaldary jetkiliksiz boldy. Ǵımaratta qarapaıym turmystyq jaǵdaılar joq boldy jáne jer silkinisi qaýpi bar dep tanyldy.
Budan soń Joǵarǵy Sot Tóraǵasy 1,492 m2 jańa ǵımarattyń estetıkalyq jáne sáýlettik kelbetine toqtaldy. Onda sot tóreligin júzege asyrýdyń zamanaýı standarttary eskerilgen jáne proseske qatysýshylarǵa, eń bastysy, quqyqtary men zańdy múddelerin qorǵaý úshin sotqa júginetin aýdan turǵyndaryna barlyq jaǵdaı jasalǵan.
E.Kósherbaev sot ǵımaratynyń ashylýyn aýdandaǵy jarqyn oqıǵa dep atap óte kele, sot júıesinde júrgizilip jatqan ózgeristerdiń tıimdiligin aıtyp ótti. Sonyń ishinde, óńirde taraptardyń sotqa deıingi tatýlasýymen aıaqtalatyn azamattyq ister, sondaı-aq ákimshilik ister boıynsha – tatýlastyrýǵa baılanysty talap qoıýlardy qaıtaryp alýdyń artýy baıqalatynyna toqtaldy.
M.Kómirshınov sýdıalardyń sot tóreligin sapaly júzege asyrýǵa, al aýdandyq sot qyzmetkerleri sot ákimshiligi qyzmetin kórsetýge bar kúsh-jigerlerin salatynyna senim bildirdi.
Saltanatty is-sharanyń qonaqtary men qatysýshylary jańa ǵımarattyń ishin aralap kórdi. Sondaı-aq A.Merǵalıev pen N.Ahmetzakırov oblystyń sot korpýsymen kezdesti. Keńeste oblystyq sottyń alqa tóraǵalary Ádil Bakın, Dýlat Salatov jáne Tólendi Qasymov, sondaı-aq oblystyq sottyń tóraǵasy Manat Kómirshinov óz jumystaryna toqtaldy.
Qazaqstan Respýblıkasy Joǵarǵy Sotynyń Tóraǵasy sot júıesi qyzmetiniń basym baǵyttary: sottardyń kadrlyq, materıaldyq-tehnıkalyq áleýetin nyǵaıtý, salaǵa kásibı myqty zańgerlerdi tartý úshin sýdıalardyń táýelsizdigin qamtamasyz etý týraly habardar etti. Sybaılas jemqorlyq kórinisterin joıý, adamdarǵa iltıpatpen qaraý, memlekettik qyzmetshilerdiń etıkalyq normalary men minez-qulyq standarttaryn saqtaý qajettiligine erekshe nazar aýdaryldy.
Jıyn sońynda Joǵarǵy Sot Tóraǵasy oblystyq sottyń otstavkadaǵy sýdıalary Altaıbek Ánýarbekov pen Toǵjan Kıreevany «Minsiz qyzmeti úshin» medalimen marapattady.
