Májilis Tóraǵasy Erlan Qoshanovtyń quttyqtaý lebizinde:
«Ardaqty analar! Qymbatty hanymdar!
Barshańyzdy 8 naýryz – Halyqaralyq áıelder kúnimen shyn júrekten quttyqtaımyn! Bul – ómirge shýaq, janǵa jylýlyq ákeletin erekshe meıram.
Biz árdaıym asyl analarymyz ben ázız ájelerimizdiń, aıaýly arýlarymyzdyń aldynda basymyzdy ıemiz. О́ıtkeni, áıelder qaýymy – árdaıym otbasynyń uıytqysy, birlik pen berekeniń bastaýy, memleketimizdiń tiregi.
Sizderdiń qoǵamdaǵy jáne el damýy jolyndaǵy rólderińiz orasan zor. Qyz-kelinshekter adamı asyl qasıetter men qundylyqtardy dáriptep, urpaq tárbıeleýmen qatar, barlyq salada bıik belesterdi baǵyndyryp keledi.
Osy shýaqty merekede barshańyzǵa myqty densaýlyq, shańyraqtaryńyzǵa shattyq pen amandyq tileımin!
О́mirlerińiz kóktemdeı kórikti bolǵaı!», delingen.
