Joldama qol sozym jerde

Birinshi bolyp Jaına Sheker­bekova (54 kg) jeńilistiń ker­mek dámin tatty. Álem birin­shiliginiń úsh dúrkin júldegeri, Azııanyń eki dúrkin chempıony, Azııa oıyndarynyń fına­lısi degen dardaı ataǵy bar Jaına esimi kópshilikke beı­má­lim nıgerııalyq Shýhra Kárim­niń aldynda dármensizdik tanytty. Kóp keshikpeı Rımma Volosenko (60 kg) kórermender qa­taryna qosyldy. Osyǵan deıin úsh qarsylasyn jolynyna yǵystyrǵan jerlesimiz shı­rek fınalda slovakııalyq Mı­roslava Edınakovaǵa ese jiberdi.

Muhamedsabyr Bazarbaı­uly (63,5 kg) ekinshi aınalym­da bolgarııalyq Radoslav Rose­novpen kúsh synasty. Úshinshi raýndta qarsylasynyń qaba­ǵy jaryldy. Ondaı jaǵdaıda ereje boıynsha sol sátke deıin qaı boksshy alda tursa, jeńis sonyń enshisine jazylady. Bul rette Bolgarııa boksshysynyń baǵy jandy. Al Aslanbek Shymbergenov (71 kg) polshalyq Damıan Dýrkachqa shań qaptyrsa, Aıbek Oralbaı (92 kg) Ońtústik Koreıanyń ókili Iýng Ha Nyldan basym tústi.

Kelesi táýlikte taǵy tórt byl­ǵary qolǵap sheberimiz rıngke kóterildi. Natalıa Bogdanova (66 kg) argentınalyq Lorena Soledad Balbýennen aılasyn asyrsa, Nurbek Oralbaı (80 kg) Togonyń dene bitimi kelisken tórtpaq jigiti Prevoı Padabadıi utty. Alýa Balqybekova (50 kg) chehııalyq Klavdııa Totovany tize búktirse, Mahmud Sabyrhan (57 kg) taılandtyq Saravat Sýktetke san soqtyrdy.

Senbi kúni úsh otanda­symyz­dyń ónerin tamashaladyq. Va­len­tına Halzova (75 kg) jas­tar arasyndaǵy álem birin­shi­liginiń jeńimpazy, túrkııalyq Bıýshra Ishıldardan basym tústi. Natalıa Bogdanova (66 kg) polshalyq Aneta Rygel­ska­dan utyldy. Aıbek Oral­baı (92 kg) 2019 jylǵy álem chem­pıo­natynyń kúmis júl­de­geri, ekvadorlyq Hýlıo Sesar Kastılo Torresti qapy qaldyrdy.