27 jastaǵy jasyl qurlyqtyń ókili óziniń sporttyq mansabyn sátsiz bastaǵan edi. 2016 jyly Djek Oldın Beıts jáne Darsı Vendıden oısyraı utyldy. Biraq sodan keıin ol qatarynan 15 jekpe-jekte jeńiske jetip, óziniń myqtylyǵyn moıyndatty. Maddalena 2022 jyldan beri UFC-de baq synap júr. Sol kezden beri jeti ret oktagonǵa shyqty. Ol Pıtt Rodrıges (nokaýt), Ramazan Emeev (nokaýt), Dennı Rodrıges (nokaýt), Rendı Braýn (qylqyndyrý), Bassıl Hafez (tóreshilerdiń sheshimi), Kevın Holland (tóreshilerdiń sheshimi) jáne Gılbert Bernsten (nokaýt) basym tústi. Barlyǵy 19 ret aıqasqan aýstralııalyq faıter 17 márte jeńiske jetip, 15 básekeni merziminen buryn aıaqtady.
Qashanda sabyrly qalpynan aınymaıtyn Shavqat Rahmonov: «Senimdiligiń men batyldyǵyńa rızamyn. Biraq Djek sen de meniń buǵan deıingi qarsylastarymnyń kúıin keshesiń», dep áńgimeni short kesti.
