Atalǵan jarysta Qazaq eli namysyn Sultan Qojahmetov, Samajan Kettebekov, Maksım Rojkov, Amangeldi Naýryzǵalıev, Meıirman Perneev, Vıktor Maksımenko qorǵady. Bizdiń jigitter Italııa, Germanııa, Serbııany utyp, Ýkraına jáne Polshamen teń oınady. Al Horvatııa quramasy aldymyzdy orap ketti. Nátıjesinde, jerlesterimiz úshinshi oryndy ıelense, altyn men kúmis medaldy horvattar men polıaktar oljalady. Barlyǵy bul jarysta 13 komanda baq synady.
Esterińizge sala keteıik, estý qabileti nashar jandar arasyndaǵy dúbirli doda 2-12 naýryz aralyǵynda ótti. Bul jarysta shahmat, shańǵy jáne snoýbordtan Qazaqstannyń 26 sportshysy saıysqa tústi.
