Qazaqstannyń ulttyq quramasynyń bas bapkeri Nurbol Súleımenov bul týrnırge qosalqy quramdaǵy balýandardy aparýdy jón kórdi. Atap aıstaq, 60 kg salmaqta Nurqanat Serikbaev pen Dáýren Súıeýkenov saıysqa túsedi. Nurqanattyń Olımpıadaǵa barýyna múmkindigi bar. Asa jeńil salmaqtylardyń reıtınginde ol 21-orynda tur. Serikbaevtyń tuǵyry Eldos Smetovten (26-oryn) joǵary bolǵanymen, Maǵjan Shamshadınnen (17-oryn) tómen. 66 kg salmaqta Eset Qýanov pen Suńǵat Jubatqanǵa senim artylyp otyr.
73 kg salmaqtyń úzdikteri Danııar Shamshaev pen Jansaı Smaǵulov kelesi irikteý synyna daıyndalyp jatyr. Bul joly olardyń ornyn Asqar Narqulov pen Baqytjan Ábdýrahmanov basty. 81 kg salmaqta Mádı Amangeldi men 100 kg salmaqta Islam Bozbaev tatamıge shyǵady.
Al talaı súzgiden ótken saqa sportshylar – Erasyl Qajybaev pen Ǵalymjan Qyryqbaı alyptarmen aıqasady.
