Jarystyń basty jekpe-jeginde ırlanııalyq Kallýs Ýolsh (9-0, 7 KO) pen qazaqtyń uly Dáýren Eleýsinov (11-3-1, 10 KO) kúsh synasty. Osy sport túriniń basy-qasynda júrgender 23 jastaǵy Kork qalasynyń týmasyn «Jańa GGG» dep atap jatyr. Ony áıgili Fraddı Roých baptasa, promoýteri – Tom Leffler. Kezinde bul mamandar uzaq ýaqyt boıy bizdiń Gennadıı Golovkınmen jumys istegen. Amerıkadaǵy aıqas Ýolshtyń aıqyn jeńisimen aıaqtaldy. 37 jastaǵy Eleýsinov biraz qarsylyq kórsetkenine qaramastan jastyń aty jas qoı. Irlandııanyń ókili qandasymyzǵa kóp soqqy darytty. 11-raýndta báseke toqtatyldy.
Sóıtip, Kallým Ýolsh birinshi orta salmaqtaǵy WBC Continental Americas nusqasynyń altyn belbeýin ıelendi. Al Dáýren qatarynan ekinshi kezdesýinde jeńilis tapty.
