foto: Tengrinews.kz Sottalýshy Baljan Turlybek (oń jaqta) jáne onyń qorǵaýshysy (ortada)
Almatyda 7 jasar qyzdyń ólimine qatysty is boıynsha sýdıa Erlan Bolatov sheshim shyǵardy.
«Sot Turlybek Baljandy Qylmystyq kodekstiń 99-bóliginiń 3-bóligi (Adam óltirý) boıynsha kináli dep tanyp, 20 jylǵa bas bostandyǵynan aıyrý jazasyn ortasha qaýipsizdik mekemesinde óteýge úkim shyǵardy. Sonymen qatar 677 myń teńge prosessýaldyq shyǵyn óndirilsin jáne jábirlenýshilerdiń qoryna 30 AEK ótemaqy tólensin. Azamattyq talap aryzdy qaraýsyz qaldyryńyz», dep sýdıa úkimdi oqydy.
Úkim zańdy kúshine engen joq.
Esterińizge sala keteıik, byltyr shilde aıynda Almatyda 7 jasar ógeı qyzyn uryp óltirdi degen kúdikpen qoǵam belsendisi Baljan Turlybek qamaýǵa alynǵan edi. Marqum bolǵan Karına Zakýraevany 47 jastaǵy ógeı sheshesi 4 aı boıy sabap kelgen. Týystarynyń sózinshe, sońǵy ret úlken dáretin jiberip qoıǵany úshin, qatygez áıel qyzdyń basyn qabyrǵaǵa urǵan. Qatty soqqydan mıyna qan quıylyp jetkinshek jan tapsyrǵan.
