Foto: olympic.kz
Elimizdiń áıelder quramasynyń bas bapkeri Erlan Alpysbaev 10 shákirtine senim artyp otyr. Anadoly eline attanatyndardyń arasyndaǵy eń ataqtysy – Ábıba Ábýjaqynova. Asa jeńil salmaqta óner kórsetip júrgen qazaqtyń altyn asyqtaı qyzy kóptegen baıraqty básekede atoı salyp, barsha jankúıerlerdi qýantty. Bıyldyń ózinde ǵana «Úlken dýlyǵa» sanatyndaǵy týrnırlerde Ábıba birneshe márte jeńis tuǵyryna kóterildi. Osyndaı orasan tabysynyń arqasynda ol Qazaqstannyń dzıýdoshylary arasynan álemdik reıtıngte eń joǵary tur. Qazirgi kezde Ábýjaqynova – tórtinshi orynda.
Al ózge salmaq dárejelerinde Dıana Býkreeva (48 kg), Tolǵanaı Ábeýova (52 kg), Baqyt Qusaqbaeva (57 kg), Samalaı Erǵalıeva men Gúlnur Baqanova (63 kg), Ekaterına Tokareva (70 kg), Margarıta Grısenko men Arýna Jangeldına (78 kg) jáne Aqerke Ramazanova men Mádına Paragýlgova (+78 kg) baq synaıdy.
