Foto: boxingkazakhstan/instagram
Qazaqstan boks federasııasynyń málimetinshe, 57 kelige deıingi salmaqta Asyljan Serikbaı ýkraınalyq Denıs Rozdolskıdi eki ret nokdaýnǵa jiberip, aıqyn basymdyqpen utty.
63,5 keli salmaqta ırlandııalyq Paýl Heıl Djon jekpe-jekten bas tartyp, Jandos Qydyrálıev taǵy bir altyn medaldy ıelendi.
67 keli salmaqta Elnur Súıinbaı Polsha ókili Kırıll Globenkodan basym tústi.
71 keli salmaqta otandasymyz Farýh Toqtasynov sońǵy jekpe-jeginde ýkraınalyq Maksım Molodanny jeńip ketti.
75 keli salmaqta Azamat Bektas taǵy bir Polsha ókili Mıhal Iаrlınskıdi san soqtyrsa, 80 keli salmaqta Tursynbaı Qulahmet brıtandyq Ramtın Mýsadan basym ekenin dáleldeı aldy.
Al sheshýshi jekpe-jekte Nursultan Altynbek (54 kg), Almat Ábdýálı (60 kg) jáne Abzal Quttybekov (86 kg) tóreshiler sheshimimen qarsylastaryna jol berdi.
Osylaısha, jerlesterimiz atalǵan halyqaralyq týrnırde 6 altyn, 3 kúmis, 2 qola júldege ıe boldy.
