Foto: QFF
Buǵan deıin elimizdiń fýtbolshylary joldastyq kezdesýde Lıýksembýrg quramasynan 1:2 esebimen jeńilip qaldy. Bas bapker komandaǵa jańa bapker kómektese alady dep esepteıdi.
«Alda qıyn jol kútip turǵanyn bilemin. Bizdiń aktıvterimiz tómendep jatyr. Desek te biz qaıta iske kelýimiz kerek nemese bizge belgili bir kezeńge quramany bir silkindiretin jańa jattyqtyrýshy kerek. Biraq jańa bapker keleshekte jaǵdaıdy bastan aıaq durystaıdy dep oılamaımyn, bul jerde biz birneshe jylǵa ulttyq quramany túbegeıli qaıta daıyndap, ony álem chempıonatyna irikteýge daıyndaýymyz kerek. Federasııaǵa jańa tulǵalar men jańa ıdeıalar qajet. Men batyp bara jatqan kemeden eshqashan qashyp kórgen emespin, biraq, ekinshi jaǵynan, men eshqashan óz ornymdy ustaǵan emespin. Qandaı jaǵdaı bolsa da abyroımen qabyldaımyn. Eger olar maǵan esiktiń tusyn kórsetse men ketemin», dedi M.Adıev.
Aıta keteıik, Magomed Adıevtiń bapkerligimen Qazaqstan quramasy Eýroǵa irikteýde óz tarıhyndaǵy eń jaqsy nátıje kórsetip, Ulttar lıgasynyń S dıvızıonynda top jarǵan bolatyn. Biraq sheshýshi matchtarda Slovenııa men Grekııadan jeńilip qalǵan ulttyq qurama Eýropa chempıonatyna joldama ala almady.
