Foto: Vıdeoskrın. Oblys ákimdigi.
Atalǵan oblys ákimdiginiń baspasóz qyzmetiniń málim etýinshe, 23 naýryzdan beri 1977 jylǵy er adam izdestirilip jatyr. Ol ózi jumys atqaratyn «Shyǵys» sharýa qojalyǵyna barar jolda Aıagóz ózeninen ótpekshi bolǵan kezde, attan qulap, sýǵa ketken dep boljanyp otyr. Sonymen qatar 26 naýryzdan bastap 1957 jáne 1985 jyly týǵan taǵy eki azamatty izdestirý júrgizilip jatyr. Olar «Shalqar» qosalqy sharýashylyǵynan Qaraǵash aýylyna qaraı jolǵa shyqqan «MTZ 82» markaly traktorda Borly ózeninen ótý kezinde sýda joǵalyp ketken. Joldy qysqartý úshin ózennen ótpekshi bolǵanymen ortasynda turyp qalǵan. Oqıǵa ornyna kelgen qutqarýshylar adamdardy tappaǵan.
Kóktemgi lastanýǵa baılanysty aıdyndardyń sý asty kórinýiniń nasharlyǵynan jáne sý aǵynynyń joǵary jyldamdyǵynan súńgýirlerdiń jumysy kúrdelenip otyr.
18 saǵat 26 mınýtta Semeı qalasynyń QM MI-17 tikushaǵy Borly ózeni boıyn aerovızýaldy qaraýǵa áýege ushqanymen aýmaqty zertteý nátıje bermegen.
Izdeý-qutqarý jumystary qarańǵy túsýine baılanysty ýaqytsha toqtatyldy. 26 naýryzda da qarańǵy túsýine baılanysty toqtatylǵan bolatyn.
28 naýryz kúni tańǵy saǵat 6-dan bastap izdeý jumystaryn qaıta bastaý josparlanyp otyr.
