63,5 keli: Lısenzııalyq týrnır irikteýine qatysatyn boksshylar belgili boldy

Ázirge Olımpıada joldamasy buıyrmaǵan osy salmaqta Qazaqstan namysyn qorǵaý úshin 6 boksshyǵa múmkindik berilgenin málimdedi. 

Tańdalǵan boksshylar Taıland memleketiniń astanasy Bangkok qalasynda ótetin Álemdik lısenzııalyq týrnırine arnaıy josparlanǵan resmı sparıngte baq synaıdy.

Bul sparıng jarys formatynda ótedi.

Qazaqstan boks federasııasy osy salmaqtaǵy eldiń úzdik boksshylaryna teń múmkindik berýdi sheshken.

Olar: 

1. 2023 jyly Qazaqstan spartakıadasynyń jeńimpazy, Italııada ótken lısenzııalyq týrnırge qatysqan Muhammedsabyr Bazarbaıuly;
2. Azııa oıyndarynda shırek fınalǵa jetken Zeınýllınov Ertýǵan;
3. 2021 jylǵy Álem chempıonatynyń kúmis júldegeri Serik Temirjanov;
4. Azııa jáne Álem chempıonattarynyń kúmis júldegeri Dýlat Bekbaýov;
5. Keıingi Qazaqstan spartakıadasynyń júldegeri, Lıtvada ótken halyqaralyq týrnırdiń altyn medal ıelengen Jandos Qydyrálıev;
6. Jasóspirimder men jastar arasyndaǵy Azııa chempıonatynyń 3 dúrkin jeńimpazy Sabyrhan Tórehan (Italııada ótken lısenzııalyq týrnırde Olımpıada joldamasyn ıelengen Mahmud Sabyrhannyń týǵan inisi)

Tizimdegi boksshylar salmaqtaryn lımıtke keltirýi shart.

Jarys 8-10 sáýir aralyǵynda Astana qalasynda ótedi. Sparıng barysy Qazaqstan boks federasııasynyń ıýtýb jelisinde onlaın kórsetiledi.

Sondaı-aq qyzdar arasynda da 50, 54, 66, 75 kelide Bangkok qalasynda ótetin Álemdik lısenzııalyq týrnırge irikteý osy kúnderi bolady.