Foto: nege.kz
«27 naýryzda «depýtatsyń» dep biraz kisi habarlasyp quttyqtady, biraq men tek resmı tizimdi kútip otyrdym. Tizim shyqqannan keıin ǵana kóńilim ornyna tústi, sol kezde telefonym da jaryldy. Sáýirdiń birinde naýryzdaǵy 3 kúnniń jalaqysy dep az-maz aqsha tústi. Asa dinshil adam bolmasam da, sol aqshany yrymdap, meshitke aparyp, nıet etip sandyqqa saldym», dep jazdy depýtat.
Samat Nurtaza Májilis barlyq depýtatqa bir-bir kómekshi bergenin de jasyrmady. Keıbir depýtat janyna «óz kómekshilerin» qaldyryp, Májilistiń qyzmetkerlerinen bas tartqan.
Májilis depýtattaryna qyzmettik páter úlestiriletini de barshaǵa aıan. Samat Nurtaza ózine berilgen páteri týraly bylaı deıdi: «Ortasha keıipte, jıhazy eskileý, kafeli 2005 jyldan beri aýyspaǵan, tósegi syqyrlaıdy. Eki balkony bar. Aıyna 75 saǵat kólik aldyrýǵa ruqsat. Dúkenge, mektepke, bazarǵa, qalanyń syrtyna, oıyn-saýyq ortalyqtaryna barýǵa bolmaıdy. Kúndiz tek úkimettik uıymdarǵa ǵana barýǵa ruqsat berilgen».
Depýtat 800 000 teńge kóleminde jalaqy alatynyn ashyq aıtty.
«Depýtat bolǵanǵa deıin 4 jerde jumys istedim, depýtat bolǵan sátte 4 jerden jumystan shyǵýǵa májbúr boldym, sebebi depýtattar qosymsha jumys jasaı almaıdy. Tek shyǵarmashylyq jumystarǵa (sabaq berý, sýret salý, óleń aıtý, sporttyq saıystar) ǵana ruqsat bar», dep jazdy ol.
Depýtat laýazymyndaǵy bir jyldyq qyzmetin qorytyndylaǵan Samat Nurtaza osy kúnge deıin úkimetke úsh depýtattyq saýal joldaǵanyn eske saldy.
«365 kúnde 3 depýtattyq saýaldy aıtyp, 15 shaqty saýalǵa óz úlesimdi qostym. Bireýden kóp, bireýden az degendeı. Sonymen qatar Úkimet saǵaty ótken saıyn bir-bir mınıstrden kelip Májiliske esep beredi, sol jerde kez kelgen depýtat óz suraǵyn qoıa alady. 7-8 mınıstrge saılaýshylar ótingen suraqty qoıǵanym bar», dep jazdy Samat Nurtaza.
Sondaı-aq ol qyzmet jolynda biraz qatege de boı aldyrǵanyn jasyrmady.
«Qateler de boldy. 10 mamyrda jýrnalısterdi «qoltyraýyndarmen» salystyryp, bir shýlattym. «Endi suhbat bermeımin» dep eki shýlattym. Bul qatelerge árıne ókinemin, biraq aram oıym bolmady. Emosııa shyǵar», delingen depýtat jarııalaǵan jazbada.
