Ma Shıtýdiń azan shaqyrylyp qoıǵan aty – Ma Sıanmý. Ol zııaly otbasynda tárbıelengen. Bala kezinen kóne jazbalarda bederlengen qytaı ádebı murasyna erekshe qyzyqqan. Tarıh, ertegi, ápsanalar qııalyna qanat bitirip, balanyń bolashaǵyna qatty áser etti. Sonyń arqasynda Ma Sıanmý memleketi qýatty, áskeri áleýetti qoǵam qurýǵa qulshynǵan. Ol orta mektepti bitire sala saıası qozǵalysqa belsene aralasqan.
Ma Sıanmýdiń jastyq shaǵy Qytaıdyń aýmaly-tókpeli zamanymen tuspa-tus keldi. Japondardyń soǵysy, aǵylshyndardyń ishki saıasatqa aralasýy, Gomından jáne kommýnıstik partııanyń bılikke talasy sekildi oqıǵalar qalamgerdiń ult birligi men yntymaǵyn ornatsam degen armanyna umtyldyra tústi.
Qalamger jalpaq jurtqa Ma Shıtý esimimen tanyldy. Onyń máni «kári jylqy joldan adaspaıdy» degen sóz eken. Ol bul esimge partııaǵa ótkennen keıin aýysqan kórinedi. Al onyń burynǵy Sıanmý esimi «máńgilik ómir aǵashy» degen maǵynany bildiredi. Baıqasańyz, eki birdeı esim bir-birimen mazmundas. Beınebir jazýshynyń uzaq jasaýyna osy eki esimniń áseri bardaı.
Ma Shıtý bir suhbatynda uzaq jasaýdyń qupııasyn aıtady. «Ǵasyr jasaýdyń syry myna bes ustynǵa jasyrynǵan. Olar – jaqsy tamaqtaný, ýaqtyly uıyqtaý, uzaq jaıaý júrý, kúndelikti jazý jáne barlyq jaǵdaıǵa asqan sabyrlyqpen qaraý», deıdi ol.
