Búgingi tańda iri tapsyrys berýshiler men otandyq óndirýshiler arasynda monoqalalarda 24,5 mlrd teńge somasyna 20 uzaqmerzimdi shart jáne 47,3 mlrd teńgege 13 offteık-kelisimshart jasaldy.
Qoldanystaǵy tetik aıasynda monoqalalardyń birqatar kásiporny jetkizýshilermen tıimdi baǵamen shıkizattyń qajetti kólemin jetkizý jóninde kelisimder jasasty. Úkimet basshysy bul sharalar jetkiliksiz ekenin atap ótti.
«Iri kompanııalardyń aınalasynda shaǵyn jáne orta bıznes sýbektileriniń beldeýin damytý qajet. Bul iri kompanııalardyń mindeti bolýy kerek. Úkimet tarapynan olarǵa kómek kórsetilýde. О́z kezeginde olar qarsy mindettemeler qabyldaýy kerek», dedi Úkimet otyrysynda Oljas Bektenov.
Búgingi tańda 14 monoqalada 1,5 myńnan astam kásiporyn jumys isteıdi. Olar 70%-dan 100%-ǵa deıin júktelgen. 2023 jyly kásiporyndardyń óndiris kólemi 18,5 trln teńgeni nemese jalpy respýblıkalyq kórsetkishtiń 40%-yn qurady.
