Atyraý oblystyq jedel shtabtyń málimetine súıensek, Jem ózeniniń sýy kóterilip, Qursaı kanaly arnasynan asqan.
«Qulsary qalasynda 500 úıdi tasqyn sý basyp, 2400 turǵyn qaýipsiz aýmaqqa kóshirildi. Turǵyndar arnaıy bólingen qabyldaý pýnktterine ornalastyryldy. Evakýasııalanǵan turǵyndar úshin «Teńiz» ken ornyndaǵy vahtalyq kentten jataqhanalar daıyndalyp jatyr», dep habarlady oblystyq jedel shtabtan.
Qazir bóget salý, nyǵaıtý jumysy júrip jatyr. Oǵan jergilikti atqarýshy organnan, Tótenshe jaǵdaılar, ishki ister departamentterinen, №41433 áskerı bóliminen 323 qyzmetker, 142 tehnıka tartylǵan.
«Jylyoı aýdanynda eldi mekenderdi tasqyn sýdan qorǵaý úshin qum toltyrylǵan 45452 qap, 174 myń tonna ınertti materıal tóseldi. Bul jumysqa 4540 erikti jumyldyryldy», dep málim etti oblystyq jedel shtabtan.
