Jylyoı aýdandyq ortalyq aýrýhananyń bas dárigeri Asulan Abdrahmanovtyń aıtýynsha, emdelýshilerdiń qaýipsizdigi kózdelgen.
«Ortalyq aýrýhanada em alyp jatqan 77 naýqas bar. Naýsqastardyń qaýipsizdigin qamtamasyz etý maqsatynda kórshiles oblysqa tasymaldap jatyrmyz. Aýrýhananyń jansaqtaý bóliminde 2, hırýrgııa bóliminde 12, terapııa bóliminde 10, balalar jáne bosaný bóliminde de naýqastar bar. Olardy qaýipsiz orynǵa kóshirý maqsatynda evakýasııa júrip jatyr. Jaǵdaıy aýyr naýqastar reanımatologpen, anestezıologpen jáne tolyq jabdyqtalǵan IVL apparatymen barady. Jatyp baratyn naýqastar jedel-járdem kóligimen, ózgeleri avtobýspen qatynaıdy», dedi Asulan Abdrahmanov.
Naýqastardy emdeýshi dárigerler alyp barady. Olar dári-dármektiń barlyq túrimen qamtyldy. Qyzmetkerler Beıneý aýdandyq aýrýhanasyna barǵan soń emdeý-saýyqtyrý jumysyna kómektesedi. Jalaqysy issapar aqysy negizinde tólenedi.
Al aýdandyq ortalyq aýrýhanada jaǵdaı turaqtalǵanǵa deıin alǵashqy kómek kórsetile beredi.
