Foto: QR Ekologııa mınıstrligi
Sáýirdiń 13-ine deıin ótetin alǵashqy aptalyqtyń ataýy - «Taza ólke».
Aptalyq barysynda eldi mekenderdiń turǵyndary, qoǵam belsendileri, mekeme, kásiporyn qyzmetkerleri irgeles aýmaqtar men aýlalardy tazartady.
20 sáýirge deıingi aptalyq «Kıeli meken» dep atalady. Bul apta tarıhı-mádenı eskertkishterdiń aýmaǵyn abattandyrý jumystaryna arnalady.
Sáýir aıynyń 27-sine deıin «Jasyl aımaq» taqyrybymen ótetin aptalyq aǵash kóshetterin otyrǵyzý, kóshetterdi ákteýmen erekshelenedi.
4 mamyrǵa deıingi kezeń «О́negeli urpaq» dep atalyp, ardagerlerdiń aýlalary men qarttar úıiniń aýmaqtaryn tazalaýǵa jáne abattandyrýǵa arnalady.
«Móldir bulaq» dep atalatyn sońǵy, besinshi aptada sý qoımalarynyń aınalasy, ózen-kólder qoqystan tazartylady.
Aksııaǵa elimizdiń barlyq óńirleri qatysyp, Qazaqstannyń túkpir-túkpirinde qaıyrymdylyq jáne mádenı is-sharalar ótedi.
Qyrmyzy JUMAǴALIQYZY,
EUÝ stýdenti
